ديوان شعر

ديوان ابن الفقرية :
       قصائد زجلية لها طابع خاص تم إختيارها فى مهرجان القلم الحر للإبداع العربى الثالث لهذا العام 2011/ 2012 كديوان من أفضل دواوين الشعر فى الوطن العربى  حيث حاز على المركز الأول فى المهرجان ، تقترب قصائده كثيراً من الكوميديا الباكية ،
 ومترابطة ومتكاملة ببعضها البعض فهى عبارة عن قصة زجلية  تحكى حياة معظم الشباب تحكى كل ما يعانيه الشباب (البحث عن العمل - إدمان الانترنت - الحب ومشكلات الزواج - أزمة ما بعد الافراج - أزمة السكن - إدمان المخدرات - الهجرة غير الشرعية -  . . . . . . . . . . . . . . . . . . .  . . . . . . وغيرها ) وكيف أن ذلك أثار بركان عارم بالغضب داخل قلوب الشباب وكان من أهم أسباب تفجير الثورة )
(كتبت هذا الديوان قبل إندلاع الثورة وبعد الثورة أحسست أنه أوشك على النهاية لانى أضفت بعد الثورة بعض القصائد
لكنى حتى الأن لم أشعر أن ديوانى قد إكتمل لان الثورة لا تمثل نهاية المطاف بل هى نقطة البداية الصعبة لان هناك العواقب هناك من يختلق لنا العراقيل والمحن والمصائب التى
علينا تجاوزها بل علينا بناء سلم النجاح منها 
علينا ان نحافظ على ثورتنا التى راح من أجلها الكثير راح من أجلها أغلى ما نملك ألا وهو دم شبابنا
علينا أن نتمسك بحلمهم وحلمنا لقد ماتوا من أجلنا ماتوا لتحيا بلادنا .
ولهذا أتمنى أن أكمل ديوانى بديوان أخر مكمل له أحكى فيه عظمة هذا الشعب وتماسكه وعشقة لبلاده وإرادته التى صنعت المستحيل ودفعت عجلة التنمية ولم تقف عند الثورة فحسب فالثورة ما هى إلا نقطة تحول عظيمة فى تاريخ هذا الشعب الرائع .

قصائد الديوان

1-           ابن الفقرية

2-           الفقرى فى المصيدة

3-           خريج الكلية

4-            عامل باليومية

5-            مع إنك فقران

6-            أجمل بسمة

7-            الحلم ماهوش بعيد

8-            يا خسارة

9-            يا فرحة ما تمت

10-                      محكمة

11-                      كل ده هزار

12-                      إهانة

13-                      عاشق و ولهان

14-                      بركاتك يا ست مخدرات

15-                      عينى على الرجولة

16-                      ملعونة والله المخدرات

17-                      لبه؟

18-                      بابا نويل عايز يهاجر

19-                      الغلط فى الإنسان

20-                      خلاص مسافر

21-                      الطريق للموت

22-                      سفينة الموت

23-                      مين يكون جنبها ؟ !

24-                      ماتزعليش

25-                      سامحينى

26-                      هنا إندفن

27-                      يعنى ايه كلمة وطن ؟

28-                      إزاى هايعيش الورد ؟!

29-                      نفسى أشتكيلك

30-                      مش هنسكت

31-                      لأ

32-                      هاحكيلكم حكاية

33-                      كان لازم نثور

34-                      راح هنوصل

  هاحكيلكم حكاية

هاحكيكم حكاية

لا مش حكاية

دى أطول روايه

لا يعرفها كاتب ولا شاعر

ولا أى واحد جه عزايا

كانت البدايه

من أول ما واحد جه حارتنا

أخد أخويا من وسط بيتنا

لا فر ق بكانا

ولا علو صوتنا

ولا قال حتى كلمة

 ولا سابه يشرح

لا ريحوا قلوبنا

ولا سابوا الورد يطرح

لا كانوا معاه

ولا سابوه فى مرة يفرح

قال ايه ضد النظام

على صوته مرة

 وقال ده حرام

قولنا كفاية كلام

إخرس بطل طولة لسان

دى قواعد عليك الإلتزام

لكنه تمرد وجاله جنان

جريت جارتنا

 وقالت حبيبى

ما هى حبيبته

قال أبوها ده مش نسيبى

ده واحد غواها

وما له قرابه

ملعون الخوف

 اللى دخل القلوب أواها

دى لحظة من حياتى

عمرى ما هانساها

خدت منى ربيعى

وسابتلى جفاها

وعلشانها مش هأسكت

وعمرى هيروح فداها

وفى ميدان جمع ملايين

قالوا عن ظلمنا مش راضيين

بأصرخ دأنا كنت سجين

إسمعنى يا أخويا يا ضى العين

حقك راجع مش ساكتين

كنت بتحلم ببلدك جنه

وموت علشانها وعلشانا

خفت عليك يوم من الظلم

وعمر الخوف ما يزود عمر

عمرك واحد خليك حر

موت شهيد روحت للجنه

سبت رسالة مع إنذار

 وقبلها رنة

وفوقنا الأن

داكنا نيام

فوقنا بنحلم إنها صافية

راسها لفوق عالية وشامخة

وحلفنا نكمل طريقنا بفرحة

نرسم صورة لمصر بطرحة

كان لازم نثور

صوتهم أفضل تعبير

ويشهد ميدان التحرير

على ثورة شباب التعمير

مقدرش عليهم تخدير

أو رقص على صوت المزامير

مع خونة لصوص مشاهير

مقدرش عليهم صوت الكرابيك  

أو رغبة فى إنه يبقى شريك

فى جيبة كام الف شيك

حبرهم دموع الغلابا

ودم شباب ماتوا فى طابا

دمهم كان بيغلى فى العروق

لأجل مصر تعيش لحظة شروق

وتبقى عند الكل فوق

ليها فى كل لحظة شوق

علشان كده كان لازم نفوق

وفى 25 يناير

كان المصرى دمه فاير

على كل واحد علينا جاير

الشعب كان كله ثاير

نزل الرصاص دا زى المطر

مات الشهيد وانقتل

وفى التحرير جسده إندفن

والعلم كان الكفن

وفــ حضن التاريخ إسمه إترسم

والجنة وسام الشرف

مات فدائى وأسد

مات شهيد الولد

واهب حياته علشان البلد

مات اللى كان لأبوه السند

خاف ع الارض تبور

بروحه سقاها ورواها نور

زى الشهيد يوم العبور

علشانها مات ورسمها جنة

من جوه قلبه قال بأتمنى

خلوا بالكم يا اهلى منها

اوعوا تنسوا انى حته منها

عيشو ليها و علشانها

هى الحبيبة فى القلب مكانها

و مهما نعمل مانوفى دينها

لأ

أرواح طاهرة بريئة

حاسين بكل ضيقة

شافوا الدنيا خنيقة

قالوا نغيرها بأى طريقة

قبل ما تكون بلدنا غريقة

سكوتنا هو الخطيئة

هواللى بيشعلل حريقة

ويقتل فينا الحقيقة

بصوت واحد قالوا لأ

كلمة الشعب ليه فيها الحق

دا القلب لو ينشق

هتلاقى لأ وألف لأ

لأ للفقر والعنجهية

لأ للقهر والبلطجية

لأ للبطالة والإنتهازية

لأ للواسطة والمحسوبية

لأ للأسعارالعالية القوية

لأ لكل ظالم خاين للمسئولية

لأ و لأ و لأ حساها كل روح مصرية

وقالتها من غير خوف من سلطة قهرية

ثورة قامت سلمية

وبين الشعب كانت ودية

ثورة شباب يحميها جنود

بركان نشيط بعد الخمود

يرمى شرار يحطم سدود

يهز الجبال يشيل الحدود

لأجل ما الحق يعود

لأجل ما نحقق الوعود

فى يوم قادم موعود

و طول ما معانا الحق

هنقول لأ ولأ ولأ

لحد ما القلب يبطل دق

والدم يجمد مايكتبش مصر

وقلبى يرسمها جحر مش قصر

فى كل وقت وكل عصر

إسالو ميدان التحرير

كام شاب علشانها مستعد يموت قتيل

وكام طفل قال بحبك زى الخليل

إسالو سينا وعلم إسرائيل

كام مصرى علشانها عمل المستحيل

إسالوالأهرام  إسالو البرج والنيل

والتاريخ اللى عدا والسنين

إسالو أهلها الطيبين

إسالوحبكم ليها والحنين

إسالو القرأن اللى قال إدخلوها أمنين *********************** * * * * * * * * * * * * * وقبل الثورة بسنيــن كتيــر كان ابن الفقرية تعب كتيـــر تعبه ده المصيـــر الدنيا ترميه من مكان لـمكان وزى "كونت" ماقال هو كـان ليس بالإمـكان أفضل مما كان كـان طفل مش عارف غير لعبته وتلـميذ مش شايل غير شنطته وطالب ملوش غير جامعته ولفت الايام وبقا شايل مسؤليته والحمل صعب وثقيل  والقلب معاه عليل لا حبيب ولا أخ ولا خليل والدنيا معاه دايماً بتميل دايماً يا دنيا ليه هو كان عملك بس ايه ؟ ! * * *  * * * * * * * * * **********************

ابن الفقـــريــة

عَنده مشاكل تكاد تكون جنونية

عايز يتبنى قضية

نفسه يكون شخصية

شخصية وقورة وقيادية

ليها سمعة فريدة وذهبية

ونفسه يكون عالم ليه نظرية

وبيحلم بالأيام الجاية

بيحلم إنه يودع أيامه الفقرية

ويشيل أوراق نقدية

ويبني حياته الأسرية

ويبعد عن مشاكل بيقول إنها حصرية

دا معاه شهادة جامعية

وراها لكل حته فى الجمهورية

وهو بيصرخ بانفعالية

ويقول دى بطالة إستثنائية

أنا عايز أهاجر ولو هجرة غير شرعية

أبنى نفسى وأبنى شقة الزوجية

انا مش بأحلم برصيد وفلة وعربية

انا أحلامي بسيطة وعادية

يا ناس ليه الظروف عنادية

وعليا أنا مستقوية

هى دى حياة ابن الفقرية

زى ما سمته زوجته المستقبلية

يا ترى دى أزمة اقتصادية

ولا كارثة اجتماعية

ولا انقلابات سياسية

ولا حالة من العنجهية

ولا فى الوطن اغترابية

ولا مشاكل حصرية

زى ما قال ابن الفقرية

خريــج الكلـــية

قال ابن الفقرية

دانا دابت كعوب رجليا

شايل شهادة جامعية

فاكرها العصايا السحرية

اطلب بيها الوظيفة اللى هى

من غير دورات وشهادات إضافية

قالوا فى المقابلة الشخصية

فين اللغة الأجنبية

فين الخبرة الفنية

فين الواسطة والمحسوبية

قالى واحد من الصنايعية

تعالى عندى باليومية

التعليم والدراسة صورة روتنية

والثقافة والعلوم دى موضة أزلية

أما الشهادة دى لوحة تذكارية

و الكتب مع احترامى

إديها لبتاع البطاطا والطعمية

هو ده حال البلد ديا  

هنا وهنا تلطش فيا

والدموع مليا عنيا

نازلة تحضن اوراقى من بين إديا

قالت أمى فين العزيمة القوية

والإصرار لحياة جميلة وردية

مرسومة برتوش فنانة خيالية

على لوحة بيضة حقيقية

فى دنيا تعيشها واقعية

خطط وقرر وإرسم بجد

حياة أروع تفوق الحد

ومهما الظروف تشتد

ويزيد الجذر ويا المد

وتكون المشاكل سد

أوعى اليأس يكون الرد

مع صرخة بتقول كفاية

أو دمعة ترسم ليك نهاية

وتصورك وسط الضحايا

لابس توب الصبايا 

إطلع سلم الدنيا من البداية

إتعب وكافح للنهاية

عامــل باليوميـة

صوت صاحب الورشة عالى

شكله النهاردة إنفعالى

عايز الفقرى صبي مثالي

يسمع الكلام من غير كانى ومانى

ميقولش الشغل صعب أو تقيل

أو إن التفريق بين المفاتيح مستحيل

ميقولش أه ولأ وكأنه خبير

أو صاحب عربية أحدث موديل

مش عايزه كمان يأفف  أدام الزبون

ويكون ليهم بشوش خدوم

يضحك يقول أتفضل  وينسى الهموم

يقول أنا تحت أمرك واللى تأمر بيه هيكون

وفى النهاية طرده دا قرب يجبله جنون

أصل الفقرى كشري  طفش الزبون

مع إنـك فقـران

قالت الحبيبة عايزة ألبس الفستان

جالى كتير عرسان

وانت مكانك كسلان

أبويا كان غضبان

واخويا كمان زعلان

رفضت كل الفرسان

واتمسكت بيك يا فارس الأحلام

عشان بحبك مع إنك فقران

فال الفقرى وانا بحبك ولهان

ونفسي ابنيلك قصر ببستان

لكن اعمل ايه فى حكم الزمان

وفى زنك يا مفترية

شكلك كده هتبقي نكدية

ردت الحبيبة بعنجهية

أنا من زمان صابرة ومستنيا

دا الكل يتمني بس إشارة بس من إديا

فين المهر فين شقة الزوجية

فين الشبكة إيه الماهية

منين يا حبيبي هتصرف عليا

يـا خســـارة

كانت نصباية جامدة

كانت للكل كارثة

قال ايه ست تقية

من الشرور نقية

حاسة بكل قضية

عايزة تقدم مساعدة

لشباب واقع فى ورطة

قال ايه عندها فرصة

بتبيع كام شقة

الشقة واسعة وبرحة

والتقسيط مش بس فرحة

والمقدم أجمل مفاجأة

وهربت التقية

صاحبة الروح النقية

ومفيش اى شقة

خلت دماغ الفقري شاردة

بيفكر هو فى نصبه

وجات فى دماغه فكره

قال ان فى شغله

من غير أى واسطة

أو حتى أى خبرة

محتاجة بس ورقة

مش عايزة من البنك سلفة

طبع ميت ألف نسخة

وربحت التجارة

وكسبت الندالة

يا خسارة

يا ميت ألف خسارة

          

يا فرحة ما تمت

كالعادة بالكلام صدوه

وكإنهم بيطردوه

ومن عالباب بيزحوه

قال جاهز باللى تقولوه

حتى لو هتزودوه

شقة وعربية وكل اللى تشوفوه

فرحوا ورحبوا ودخلوه

وكانوا ناقصين يشلوه

ودايماً عايزين يكلموه

طلبوا كل اللى طلبوه

ومن كل حاجة كتروا

ومفكروش يرحموه

ولا حتى يسألوه

منين هيجيب اللى طلبوه

لأ والله يشكروا

من شياكته أتعجبوا

ومع نفسهم فكروا

إيه من الفقر أنقذه

ولبسه أغلى حاجة وشيكه  وعلى هداياه قعدوا يمدحوه

وكل شويه يشكروه وقدمواله تورته وجاتوه واللى عمرهم ما قدموه هجم البوليس ومن أفاه جرجره مالحقتش الحبيبة تهربه قاموا على الفقرى يشتموه ومن الهروب منعوه وقالوا حرامي إمسكوه اللى كانوا من شويه بيمدحوه